زندگی کیا ہے؟

                                                                                                                                                                 ٭ پرندوں نے کہا زندگی آزادی کا نام ہے۔     

٭ گلشن نے کہا زندگی خوبصورتی کا نام ہے۔      

٭ صحراء سے پوچھا تو اس نے کہا  ، زندگی تو ٹھنٖڈے پانی کس چشمہ ہے، اور ابر و باراں اس کا  دوسرا نام ہے۔      

٭ شہد کی مکھیوں نے کہا، زندگی مٹھاس ہی مٹھاس ہے۔      

٭ غریب آدمی نے کہا کہ زندگی تو دکھ درد کا دوسرا نام ہے۔        

٭امراء سے اس کی رائے پوچھی گئی تو انہوں نے کہا عیش و عشرت کا نام ہی زندگی ہے          

٭ عاشق نے کہا کہ پیار محبت ہی زندگی ہے        

٭ شعراء کے ایک گروہ کا خیال ہے کہ زندگی تخیلات ہی کی ایک قسم ہے ، ہم سوچتے ہیں تو زندہ رہتے ہیں  جب ہمارا خیال ہو تا ہیکہ ہم مر رہے ہیں تو ہمارے اعصاب جواب دے دیتے ہیں ۔      

٭ مجنوں تو ہر ہر کسی کو کہتا پھرتا تھا کہ زندگی صرف لیلٰی کا نام ہے۔      

٭ چاند نے تاریکی میں نور پھیلانے کو زندگی قرار دیا ہے۔        

٭ سورج کہتا ہے کہ اندھیروں کو سمیٹنا ہی زندگی ہے۔      

٭ ہواؤں کے جھونکوں کا خیال ہے کہ تیز و تند ہواؤں مین جم کر کھڑے رہنا زندگی ہے۔      

٭ گلاب کا خیال ہے کہ دوسروں کو خوشبوؤں سے معطر کرنا اور خود کو مٹآ دینا ہی زندگی ہے۔      

٭ سمندر کا خیال ہے کہ زندگی جوش ، جذبے اور ولولے کا نام ہے۔      

٭ فوجی کا خیال ہے کہ زندگی مرنے یا مارنے کیلئے ہر وقت تیار رہنے کا نام ہے۔         

٭ کھلاڑیوں کا خیال ہے کہ زندگی ہار جیت کا نام ہے ۔      

٭ زاہد کا خیال ہے کہ ایک زندگی دوسری زندگیوں کا آئینہ ہے۔      

٭ حضرت علی رَضِیَ اللہُ عَنۡہ‬ کا قول ہے کہ زندگی موت کی امانت ہے۔          

٭ قرآن مجید انسانی زندگیوں کا مقصد یوں بیان کرتا ہے کہ زندگی دو راہوں پہ کھڑی ہے اور یہ دیکھا جا ریا ہے کہ کون شکر بجا لاتا ہے اور کون کفر کرتا ہے۔